Rhestr o Brosiectau LEADER
Thema 1: Ychwanegu gwerth at hunaniaeth leol ac adnoddau naturiol a diwydiannol
Dyma enghreifftiau o brosiectau y gellid eu cynorthwyo;
- Peilota ffyrdd newydd o hyrwyddo’r defnydd o’r iaith Gymraeg a hyrwyddo’i gwerth economaidd, gan gynnwys cyfleoedd gwaith i siaradwyr Cymraeg a chynyddu’r nifer sy’n defnyddio’r Gymraeg yn y gweithle.
- Datblygiadau i’r gadwyn gyflenwi rhwng darparwyr twristiaeth, asedau treftadaeth a diwylliannol, y sector busnes ehangach a chymunedau lleol i wella cynnyrch a phrofiad twristiaeth.
- Peilota ffyrdd arloesol o ddehongli asedau treftadaeth a diwylliannol, e.e. addasu i ddefnyddio technolegau digidol mewn ffyrdd newydd.
- Datblygu gweithgareddau newydd yn ymwneud â’n hasedau naturiol.
Thema 2: Hwyluso datblygu cyn-fasnachol, partneriaethau busnes a chadwyni cyflenwi byr
Dyma enghreifftiau o brosiectau y gellid eu cynorthwyo;
- Profi a pheilota ffyrdd newydd o wella cydnerthedd busnesau gwledig.
- Prosiectau peilot sy’n creu diwylliant entrepreneuraidd.
- Datblygu cadwyni cyflenwi a phartneriaethau busnes newydd.
- Datblygu cynnyrch a/neu brosesau newydd.
- Treialu dulliau newydd o baru pobl leol â chyfleoedd gwaith newydd.
- Peilota ffyrdd arloesol i sicrhau bod addysg a hyfforddiant yn diwallu anghenion busnesau gwledig.
Thema 3: Ystyried ffyrdd newydd i ddarparu gwasanaethau lleol anstatudol
Dyma enghreifftiau o brosiectau y gellid eu cynorthwyo:
- Datblygu ffyrdd arloesol o gyflenwi gwasanaethau anstatudol.
- Ymchwilio i ffyrdd arloesol o gyflenwi darpariaeth gofal plant fforddiadwy a dwyieithog, yn unol ag asesiad Sir Gaerfyrddin bod digon o ofal plant, a pheilota’r ffyrdd arloesol hynny.
- Peilota ffyrdd newydd i sicrhau bod gwirfoddolwyr yn ymwneud â’r gwaith o gyflenwi gwasanaethau lleol e.e. bancio amser.
- Hwyluso a pheilota ffyrdd arloesol o sicrhau mynediad i drafnidiaeth gyhoeddus.
- Ymchwil ac ymweliadau ag enghreifftiau eraill o brosiectau sy’n dangos arferion gorau.
Thema 4: Ynni adnewyddadwy ar lefel gymunedol
Dyma enghreifftiau o brosiectau y gellid eu cynorthwyo:
- Ymchwil i gynnyrch cynaliadwy sy’n gysylltiedig a sectorau amaeth/coedwigaeth e.e. biodanwyddau.
- Dichonoldeb ynni adnewyddadwy cymunedol ac ar y fferm, drwy waith ymchwil, astudiaethau dichonoldeb, ymweliadau cyfnewid a pheilota.
- Prosiectau sy’n hwyluso mynediad i gamau sy’n cynorthwyo effeithlonrwydd ynni i drigolion a busnesau mewn ardaloedd o dlodi tanwydd.
- Prosiectau sy’n defnyddio adnoddau naturiol i gynnig atebion yn lleol.
Thema 5: Manteisio ar dechnoleg ddigidol
Dyma enghreifftiau o brosiectau y gellid eu cynorthwyo:
- Peilota dulliau newydd o gyflenwi gwasanaethau anstatudol gan ddefnyddio technolegau newydd.
- Prosiectau sy’n treialu ffyrdd newydd i gynyddu’r niferoedd sy’n defnyddio technolegau digidol mewn busnesau a chymunedau.
- Prosiectau sy’n hwyluso a pheilota ffyrdd arloesol i fynd i’r afael ag allgáu digidol mewn cymunedau gwledig a sicrhau y gall y cyhoedd ddefnyddio technolegau digidol.